Опис
Драг пријателу, соработнику, партнере, како што веќе можеби знаеш, веќе 3 години развивам софтвер за автоматизација на основните процеси и безхартиено работење на компаниите, кој многу ќе им помогне на сите, посебно во периодот кој веќе е тука, на енергетска криза и инфлација.
Развојот на тој софтвер, 3 години го финансирам целосно сам. За прв пат годинава, Фондот за иновации и технолошки развој го препозна потенцијалот, за што сум премногу благодарен, но наместо ветените 70% од потребниот буџет да го лансираме продуктот во 11 земји, меѓу кои и, се разбира, Македонија, ни одобри 50%.
Останатите средства повторно морам сам да ги обезбедам, а рокот ми е краток.
Така се сетив на crowdfunding, термин со кој се запознав во 2017 година, и бев фрапиран кога прочитав дека компании како Microsoft финансираат свои продукти и проекти на ваков начин. Првата помисла ми беше – генијално, а втората – ова кај нас никогаш нема да помине.
Но, еве, дојде ден да сакам да се обидам.
Благодарен сум што сите што ве познавам и што сте ми во животот на било кој начин и во било која форма, вакви средства не ви се никаков проблем, а јас за возврат, на секого кој ќе ме поддржи, освен што ќе му подарам бесплатна копија од продуктот кога ќе биде целосно готов, во текот на 2024 година, на датум и место по негов избор, ќе го носам на ручек/вечера на кој ќе ја потрошиме точно истата сума, која сега тој би ја потрошил на мене.
И не заборавај: денес ти за мене, утре јас за тебе.
Crowdfunding-от за брзо време ќе стане реалност и кај нас.
Па… да се обидеме! 🙂
Ви благодрам на сите однапред од срце!
